|
Ты бабуліна казка,
Ты матуліна ласка,
Ты гаючая краска,
Ты ад болю замова,
Хлеб на чыстым абрусе,
Храм, дзе Богу малюся,
Ты душа Беларусі –
Наша родная мова!
|
Родная мова з’яўляецца галоўным сродкам знаёмства дзяцей з культурай свайго народа, спрыяе іх духоўнаму развіццю. 21 лютага ў Дзіцячым садзе №2 горада Баранавічы прайшоў Дзень беларускай мовы. У працэсе сумеснай дзейнасці педагагічных работнікаў і выхаванцаў вырашаліся задачы фарміравання ўстойлівага інтарэсу і станоўчых адносін да беларускай мовы, жадання авалодаць ёю. Для гэтага былі выкарыстаны разнастайныя формы і метады. Выхавальнікі пазнаёмілі дзяцей з творчасцю беларускіх паэтаў Янкі Купалы і Якуба Коласа, іх літаратурнымі зборнікамі. Таксама прайшлі заняткі па знаёмству з беларускай культурай, традыцыямі, мовай… З выхаванцамі старэйшай групы быў праведзены занятак “Дапаможам кату Алесіку вывучыць родную мову” з выкарыстаннем інтэрактыўных гульняў. Кульмінацыйным момантам стаў тэатр-батлейка, пад час якога дзеці здзейснілі падарожжа ў беларускую народную казку “Коцік, пеўнік і ліса”, паўдзельнічалі ў беларускіх народных гульнях.